ტესტის პასუხი

ძვირფასო მკითხველო… რაოდენ არ უნდა გაგიკვირდეს, შენს მიერ განვლილ ტესტზე პასუხი მინდა გკითხო ისევ შენ.

გთხოვ შეაფასო შენი მდგომარეობა ღვთის აბსოლიტურ მოთხოვნებთან (10 მცნებასთან) მიმართებაში.
10 მცნებიდან რამდენში სცანი შენი თავი დამნაშავედ?
თუ სურათი არასახარბიელოა არ გაიტეხო გული… არ გაიტეხო გული, ვინაიდან ადამიანი იმდენად გაფუჭდა(დამძიმდა) ცოდვით, რომ უუნარო შეიქმნა ღვთის მოთხოვნების დასაკმაყოფილებლად და უფალმა გაითვალისწინა რა ეს, განამზადა გამოსავალი მის მოყვარულთა მიმართ.

>>> ნახე რას ამბობს წმინდა წერილი:

სამწუხარო რეალობა _ “ადამიანი გაფუჭდა(დამძიმდა) ცოდვით”
>>> ყველამ სცოდა და მოაკლდა ღვთის დიდებას. რომალეთა მიმართ 3:23
>>> რადგან ვინც იცავს მთელ რჯულს (მცნებას) და მხოლოდ ერთში შესცოდავს, ყველაფერში შემცოდეა, ვინაიდან ვინც თქვა, არ იმრუშოო, ისიცა თქვა: არა კაც ჰკლა. ამიტომ, თუ არ იმრუშებ, მაგრამ კაცს მოკლავ, მაინც რჯულის დამრღვევი ხარ. იაკობის წერილი 2:10,11
სასიხარულო გამოსავალი _ “უფალმა გაითვალისწინა გამოსავალი მის მოყვარულთა მიმართ”
>>> რაკი ხორცისგან დაუძლურებული რჯული უძალო შეიქმნა, ღმერთმა მოავლინა თავისი ძე ცოდვილი ხორცის მსგავს სხეულში ცოდვის გამოსასყიდ მსხვერპლად და მსჯავრი დასდო ცოდვას ხორცში. რომაელთა წერილი 8:3
>>> და თქვენც, ოდესღაც გაუცხოებულნი (ღვთისაგან) და გონებით მტერნი, უკეთურ საქმეთაკენ მიდრეკილნი, აწ მისი სიკვდილით შეგირიგათ (მისსავე ხორციელ სხეულში), რათა წმიდანი, უბიწონი და უბრალონი წარგადგინოთ თავის წინაშე. კოლასელთა წერილი 1:21,22
>>>ვინაიდან ყველამ სცოდა და მოაკლდა ღვთის დიდებას. და ეხლა ყველანი უსასყიდლოდ მართლდებიან მისი მადლითა და იესო ქრისტესმიერი გამოსყიდვის წყალობით… რომაელთა წერილი 3:23,24
გილოცავთ …
უფალმა გადაიხადა საფასური შენ დანაშაულთა გამო. უბრალოდ შენ გჭირდება სიყვარულით სცნო–დააფასო ეს ღვაწლი ქრისტესი და ლოცვით მიუძღვნა ცხოვრება მას.

შენ შეგიძლია ილოცო ამ მარტივი ლოცვით:

ძვირფასო იესო – შენ მე მჭირდები;
დღეს მე მჯერა, რომ შენ ხარ ერთადერთი ვინც გამუდმებით ფიქრობ ჩემს კეთილდღეობაზე,
მე გიხსნი ჩემს გულს, გთხოვ შემოდი ჩემს ცხოვრებაში და იხსენი იგი,
ვინანიებ შეგნებულ თუ შეუგნებელ ცოდვებს და გთხოვ გამწმინდო ყოველი უწმინდურებისაგან;
მე დღეს გაღიარებ შენ ჩემი ცხოვრების უფლად და მხსნელად;
მწამს, რომ მოკვდი ჩემი ცოდვების გამო ჯვარზე და მესამე დღეს აღსდექი მკვდრეთით და დაამარცხე სიკვდილი;
გთხოვ მიმიღო და ამავსო სულიწმინდით.
გპირდები რომ ამიერიდან ვიცხოვრებ შენთვის და ყველგან ვილაპარაკებ შენი სიდიადის შესახებ… ამინ!